MEPUTSO: 100
NAKO: 2½ diiri
Palomoka ya matlakala a dipotšišo ke 6.
LEPHEPHE LA BORARO (P3)
DITAELO
Lephephe le, le arotšwe ka dikarolo tše THARO, e lego ya A, B le ya C.
KAROLO YA A:
KAROLO YA B:
KAROLO YA C:
Ditaodišo 
Ditšweletšwa tša tirišano tše telele 
Ditšweletšwa tša tirišano tše kopana 
Araba potšišo e TEE karolong ye nngwe le ye nngwe.
Šomiša polelo yeo o lekwago ka yona.
Thoma karolo ye NNGWE le ye NNGWE letlakaleng le LEFSA.
Beakanya (ka tsela ya mmepe wa monagano, seswantšho, mantšu a bohlokwa le tše dingwe) o be o badišiše le go dira palobohlatse. Peakanyo ya gago e tšwelele pele ga taodišo ya gago.
Peakanyo e bonagale gabotse. E laetše ka go thala mothalo wa go putla.
Šomiša metsotso ye e ka bago 80 go KAROLO YA A, ye 40 go KAROLO YA B, le ye 30 KAROLONG YA C.
Dikarabo di nomorwe go ya le ka fao dipotšišo di nomorilwego ka gona.
Efa karolo ye nngwe le ye nngwe hlogo ya maleba.
Ngwala ka bothakga le ka mongwalo wa go balega.
KAROLO YA A: DITAODIŠO
POTŠIŠO 1
Kgetha E TEE ya dihlogo tše di latelago gomme o ngwale taodišo ya botelele bja mantšu ao e ka bago a 400 go iša go a 450.
Taodišo e rulaganywe ka lenaneo la go swana le mmepe wa monagano goba lenaneo leo le ka go thušago go rulaganya. O tla fiwa meputso ya go rulaganya le palobohlatse.
Diphoofolo di na le ditokelo.
GOBA
Papadi ya ka ke yeo e bolokegilego.
Lebelediša seswantšho se sa ka tlase gomme o tšweletše maikutlo a gago mabapi le hlogo ye ya ka godimo.
GOBA
Maleka ga se makgona, makgona ke maboeletša ...
GOBA
Makgotla a baithuti a a šoma. Dumela goba o ganetše.
GOBA
Re anegele ka tšeo o di bonago ka leihlo la moya mabapi le mogopo wa lefase wa 2010.
GOBA
Hlahloba seswantšho sa ka tlase gomme o ngwale taodišo ka sona.
GOBA
Ge ke gopola letšatši leo, ke omelela ka disego. Efa taodišo ya gago hlogo.
GOBA
Na lenyalo la setšo le ditokelo di nwešana meetse a mokgako? Etšwa tema.
PALOMOKA YA KAROLO YA A:
O šomile senna!!
Swara o tiiše!
KAROLO YA B: DITŠWELETŠWA TŠA TIRIŠANO TŠE TELELE
POTŠIŠO 2
Batswadi ba gago ba feletšwe ke mošomo. Ka lebaka la tlhaelelo ya mašeleng ga o kgone go tšwetša dithuto tša gago pele. O kgopetše mošomo pankeng yeo e lego motseng wa geno. Bjale wena ngwala boitsebišophelo bja gago gomme o ba romele bjona.
GOBA
O tšweletše ka dihlora mphatong wa marematlou. Ngwalela hlogo ya sekolo lengwalo la go leboga thekgo le tlhohleletšo yeo o e hweditšego ka dithutišo tša koketšo nakong ya matšatši a maikhutšo.
GOBA
O mmegi wa kuranta yo a bego a etetše mafelo a setšo. Ngwala lengwalo la go ya go morulaganyi o tšweletše maikutlo a gago mabapi le mekgabišo ya maboto, makwala le mekgabo yeo e laetšago Seafrika.
GOBA
O be o le gona ge baemedi ba FIFA ba be ba etetše ka nageng go tla go lekola ge e ka ba Afrika-Borwa e itokišeditše go ba monggae wa dipapadi tša 2010. Ngwala pego ka tšeo ba di hweditšego ka morago ga go dira tshekatsheko ya mahlakore ka moka ao a amanago le papadi ye.
PALOMOKA YA KAROLO YA B:
KAROLO YA C: DITŠWELETŠWA TŠA TIRIŠANO TŠE KOPANA
POTŠIŠO 3
Lebelela seswantšho se se filwego ka mo tlase mabapi le dinyakišišo tšeo di utolotšwego ka ga baithuti ba Afrika-Borwa bao ba nago le mmele wo mogolo ka lebaka la dijo tša makhura le letswai.
Hlama phoustara yeo o tšweletšago dintlha tše SESWAI tšeo ka tšona o eletšago baithuti go thibela mmele wo mogolo ka go ja dijo tša phepo.
GOBA
Badudi ba selete sa geno ga ba na tsebo ye kaalo mabapi le go bouta. Ba ngwalele ditaelo tše ba swanetšego go di latela ge go boutwa.
GOBA
Thala karata ya memo yeo ka yona o memago ba Lekgotlakgašo la Afrika-Borwa go tla sekolong sa geno go tla go fa baithuti ba sekolo sa lena tshedimošo.
PALOMOKA YA KAROLO YA C:
